Gel bi ofîsa tendrustiyê ya şaredariya gel a bajarê Qamişlo re têkilî kirin û gazin kirin ku gelek lawirên mirî (mî, golik û çêlek) li ser rêya çandiniyê ya gundê Um el_Firsan hatine avêtin.
Li ser van giliyan, ofîsê tîmek şandin serdaneke meydanî da ku rewşê binirxînin.
Encamên gerê ev bûn:
- Tîmê hejmareke mezin ji lawirên mirî li ser rêya çandiniyê belavbûyî dîtin.
- Ofîsê bi gerenîndeya Paqijiyê (saziya berpirsiyar li ser çavdêrî û şopandinê) li hev kir ku zû tevbigerin û pirsgirêkê çareser bikin.
Kirdariya ku hat bicîhanîn wiha bû:
Çalek mezin kola, hemû lawirên mirî berhev kirin û avêtin çalê, mazot li ser wan rijand û şêwitandin da Ku bi awayekî paqij werin avêtin û zirarê nedin jîngehê, piştî ku agir bi tevahî hate vemirandin, wan çal bi tevahî bi axê veşart.
Ofîsa Tendrustiyê ya Şaredariya Gel a Qamişlo ragihand ku ew her gav amade ne ku her ragihandin an giliyek tendrustiyê werbigirin û bi lez wan çareser bikin, da ku tendrustî, ewlehiya gişt û jîngehê biparêzin.
