Ji ber ku gelek hişyarî hatin dayîn û du binpêkirin li dijî kesên ku avê bi awayekî ne zagonî bikar tînin hatin dayîn serdanên xwe yên meydanî ji bo xerckirina ava zêde kirin.Tîmên teknîkî her wiha gerên vekolînê yên hemû bîrên dixebitin ên li bajêr pêk anîn. Çavdêriyê eşkere kir ku asta avê di gelek bîran de kêm bûye. Tedbîrên teknîkî yên pêwîst girtin, di nav de kûrkirina boriyên binavî û dirêjkirina xetên kişandinê da ku pompekirina domdar û gihîştina astek guncaw misoger bike.
Karên tamîrkirinê yên dawî ev di nava xwe de gitin:
Li taxa el_Sewra:
- Tamîrkirina xeta şaxek li taxa komîn Şehîd Kazem.
- Tamîrkirina kabloyek elektrîkê ji bo bîrekê.
- Bilindkirin û daketina pompeyek binavî û guhertina jêneratorek 30 hespî.
- Guhertina amûrek parastina qonaxê di yek ji bîran de.
Li taxa Tişrînê:
- Betalkirina du şaxên xetên avê li komîna Şehîd Xemgîn.
- Parastina şaxek xetê li kom Şehîd Baz.
- Çêkirina manorekê li komîna Şehîd Xemgîn.
Li taxên Golan û Cîhad:
- Parastina xetên sereke ji bo misogerkirina herikîna avê ya rast.
Li gundê Kerdahol:
- Parastina panela elektrîkê ji bo yek ji bîran.
Li navenda bazarê:
- Tamînkirina xetên sereke.
Her wiha, tîmên teknîkî rewşa teknîkî ya pompên bîran û amûrên klorê ji bo misogerkirina kalîte û ewlehiya avê kontrol kirin. Û bi gerenîndeya Ava Qamişlo re ji bo şopandina boriyên Sevanê, ku xetên sereke yên Terbespiyê ne, hevrêzî hate kirin.
Gerenîndeya avê ya şaredariya gel piştrast kir ku ev xebat beşek ji bernameya wê ya rojane ne ku armanc dike berdewamiya xizmetiyan misoger bike û zû bersivê bide astengî û pêdiviyên awarte.
