Şaredariya gel a li Girgê Legê di çarçoveya plana xizmetiyê ya 2025an de, di bin çavdêrî û şopandina serokatiya şaredariyê û ofîsa teknîkî de û bi hevrêziya beşa efseran û xebatkarên beşa xizmetiyê, ji bo baştirkirina binesaziyê û nûjenkirina rêyan ji bo hêsankirina tevgera trafîkê û baştirkirina xizmetên ku ji gel re têne pêşkêşkirin bi piştgiriya raste rast ji Rêveberiya Xweser a Kantona Cezîrê, xebatên lênerîn û qîrkirina Kolanan didomîne.
Tîmên xebatê piştî amadekirina kolanan û rijandina wan bi heybera MCO, li gorî bernameyek xebatê ku li gorî şaredariyê û hewcedariyê herêmê hatibû amadekirin, dest bi danîna qîrê kirin.
Xebatên qîrê çend kolanên girîng di nav xwe de digirt, yên herî berbiçav ev in:
1- Kolana Garajê ya bakur-rojhilat: 275 m dirêj, 7 m fireh, û 154 m³ tevliheviya qîrê bi qalindahiya 8 cm.
2- Kolana Dibistana Nû ya Mahbada: 285 m dirêj, 8 m fireh, û 182.4 m³ tevliheviya qîrê bi qalindahiya 8 cm.
3- Kolana Mizgefta Mensûr: 130 m dirêj, 7 m fireh, û 72.8 m³ bi qalindahiya 8 cm.
4- Kolana gulîstana Şehîd Cahid a bakur: 240 m dirêj, 8 m fireh, bi karanîna 153.6 m³ tevliheviya qîrê û heman stûrî.
5- Kolana gulîstana Şehîd Cahid: 180 m dirêj, 6 m fireh, bi karanîna 68.4 m³ tevliheviya qîrê û 8 cm stûrî.
Hêjayî gotinê ye ku kampa giştî ya Rêyan “Cûdî” di çarçoveya hevkariya di navbera aliyên xizmetiyê de, aliyê cîbicîkar a projeyê ye.
Şaredariya gel piştrast kir ku xebat ji bo qîrkirina kolanên mayî li gorî pêşîniyên diyarkirî berdewam dike, da ku başkirina gav bi gav û domdar a tora rêyên bajêr misoger bike.
