Bi armanca şopandina xebata avakirinê û misogerkirina pabendbûnê bi destûrên ku hatine dayin, çavdêriya avahîsaziyê yên li şaredariya gel a Til Temir li Kantona Cezîrê di bin çavdêriya teknîkî de, gerên meydanî yên bajar û çend gundên wê didomînin.
Di gera dawî de, çend cihên xaniyên di bin çêkirinê de hatin kontrolkirin, li gundê Til Heyfan şerqî di binpêkirin hatin qeydkirin piştî binpêkirinê hatin rawestandin û hişyariyên niviskî ji xwediyan re hatin şandin ku serî li beşa teknîkî bidin û belgeyên pêwîst tamam bikin.
Ev ger wekî beşek ji hewldanên şaredariyê ji bo bicîhanîna rêzikname û zagonên avahîsaziyê û misogerkirina pêkanîna ewle û saxlem a projeyên bajarî tên. Ev yek beşdarî parastina ewlehiya giştî û pêşîgirtina li her binpêkirinek ku dikare ji bo niştecih û tesîsan bibe gef e.
