Ji bo pêwendiya rasterast bi şêniyan re, hevserokên hevbeş ên Şaredariya Qamişlo li gel nûner, endamên Ofîsa Cîbcîker û Encûmena Şaredariyê, serdanên qadê yên li gelek komînên bajêr didomînin.
Ev serdan beşek in ji rêzecivînên ku ji aliyê şaredariyê ve hatine destpêkirin, ku armanc ew e ku bigihêjin hemû komînan li Qamişloyê, guhdarîkirina gilî û çavdêriyên niştecihan bikin, û riyên hevkariyê di pêşxistina planeke xizmetî ya yekgirtî de, di nav de qîrkirin û domandina riyan bi qîr, bikolin.
Gilî û têpîniyên hatine wergirtin bi hevrêziya bi nivîsgeha teknîkî re têne lêkolîn kirin û li gorî pêşanî û çavkaniyên berdest di plansaziyên projeya salane ya xizmetiyê de cih digirin û pêkanîna wan a pratîk û bi bandor misoger dike.
Di van civînan de jî pêdaçûnek li ser plansaziya şaredariyê ya sala 2025an pêk tê, û her wiha rêwerzên hişyarkirinê yên li ser birêkûpêkkirina xerckirina avê, kêmkirina kolandina ne zagonî, parastina paqijiya giştî, û pêşxistina çanda daristan û avdana daran.
Şaredariya Qamişlo di wê baweriyê de ye ku tevlêbûna gelan ji bo destnîşankirina pêwîstiyan bingeha pêşketina herêmî ye û veguherandina gilî û gazincan bo gavên pratîkî beşeke ji pabendbûna wê ya ji bo xizmetkirina civakê û pêkanîna daxwazên wê.
