Ji destpêka meha Çile ya 2025`an ve êrîşên berfireh li dijî binesazî û navendên jiyanî hatin kirin. Bi vê yekê hewl dan ku îradeya gelên azadîxwaz û bi rûmet, têk bibin.
Êrîşên dijminahî bi awayekî raste rast û sîstematîk ji aliyê çeteyên dewleta Tirk a dagirker ve li derdora Bendava Tişrînê destpê kir û vê yekê xeteriyeke mezin li ser bendavê çêkir ji ber ew saziyeke jiyanî ye û av û enerjiyê ji bi milyonan kes re peyda dike. Di çarçoveya vê gefa heyî de şênî û pêkhateyên Bakur û Rojhilatê Sûriyê ji Kurd, Ereb û Suryanan bersiv dan banga berpirsiyariya niştîmanî û tev li berxwedana gelêrî ya berfireh di bin ala parastina xak û destkeftiyan, bûn.
Ji 8`ê Çileyê ve bi sedan şênî û di serî de rêxistinên jin û ciwan berê xwe dan Bendava Tişrînê ji bo parastina herêmê rewşa seferberiya giştî ragihandin û li kêleka QSD`ê û YPJ`ê ku mertaleke xurt li hemberî hewldanên pêşketinê bûn, tev li nava refên berxwedanê bûn.
Vê berxwedanê destanên lehengiyê yên nemir li hember amûra şer nivîsand û îsbat kir ku gelên Bakur û Rojhilatê Sûriyê jiyanek bê rûmet û ne azad qebûl nakin û amade ne ku heya nefesa xwe ya dawî hebûna xwe biparêzin. Ji ber wê jî Bendava Tişrînê şahidiya efsaneya têkoşînê ya ku bi destên kurên xwe hatiye pêçan, rûpelek zêrîn di dîroka şoreş û berxwedanê de nivîsand.
Em bejna xwe li hember şehîdên xwe yên qehreman di serî de şehîd Menîce, şehîd Kerem, şehîd Şehabî, şehîd Harûn, şehîd Ezîz El-Ereb, Bavê Teyar, şehîd Ronahî Efrîn û şehîdên din ên ku di rêya azadiyê de canê xwe feda kirin, ditewînin. Em ji hemû birîndaran re şifaya xêrê dixwazin û soz didin ku fedakariya wan dê vala neçe.
Ev berxwedana ku zêdetirî 100 rojî bi sekn û fedakarî dewam kir di parastina xak û destkeftiyan de bi ser ket, li ser vê esasê em îro encamnameya wê bi serketinê radigihînin û di heman demê de teqeziyê li ser berdewamiya hişyarî û têkoşînê li hember her xeteriyeke nû dikin.
Bi navê Rêveberiya Xweser a Bakur û Rojhilatê Sûriyê em hemû kesên ku di vê berxwedanê de cih girtin û gelê bajar û bajarokên Bakur û Rojhilatê Sûriyê ku bi hemû hêza xwe piştgirî dan berxwedana Bendava Tişrînê, silav dikin.
Her wiha em kadroyên tenduristiyê ku di şert û mercên herî dijwar de erka xwe pêk anîn û rojnamegerên ku rastî ragihandin bi taybet şehîd Cîhan, Şehîd Nazim û Şehîd Agîd Roj û hemû kesên ku li gel vê destanê bûn û li kêleka gelê xwe bûn, bi rêzdarî silav dikin.
Bendava Tişrînê bû sembola yekrêziya niştimanî, keleha sekna gel li hember dewleta Trik a dagirker û nimûneyeke zindî ya hêza gelên hevalbend di parastina xak û samanên xwe de her ku çiqas zehmetî hebin.
Şehîd namirin
Şîfaya acil ji birîndaran re
Berxwedan heta serkeftinê dewam dike
