Îro desteya a Kantona Cizîrê beşdarî rûniştina diyalogê ya ku ji aliyê ofîsa Jin a Meclisa Sûriyeya Demokratîk ve di bin dirûşmeya “Dadeya Veguhêz li Sûriyê û Perspektîfên Cîbicîkirina Wê” li hola Zana ya bajarê Qamişlo hatibû lidarxistin.
Nûnerên saziyên rêveberiya xweser, rêxistinên civaka sivîl û hejmarek ji rêxistinên jinan beşdarî rûniştinê bûn û tê de rola jinan di pêvajoya dadweriya veguhêz de û giringiya zêdekirina beşdariya wan di avakirina aşitiyê û pêkanîna dadweriyê de gotûbêj kirin.
Civîn bi xulekek rêzgirtina ji bo şehîdan dest pê kir. Paşê guftûgoyê kûr dest pê kirin û bal kişandin ser rastiya jinên Sûriyê û kêşeyên ku di şert û mercên niha de rû bi rû ne, her wiha pêwîstiya aktîfkirina beşdarbûna wan di pêvajoyên dadweriya veguhêz de li ser hemû astan.
Di civînê de gelek pêşniyar hatin encamdan, bi taybetî:
Aktîvkirina feraseta edaleta veguhêz û pêkanîna wê li ser erdê.
Avakirina komîteyên pispor li ser asta neteweyî.
Pêşkêşkirina piştgirî û alîkariyê ji civaka navneteweyî.
Tevlî qurbanî û malbatên wan ji herêmên cuda yên Sûriyê.
Pêşxistina diyaloga herêmî di navbera civakan de.
Yekirina refên jinan, xurtkirina hevkariyê û avakirina pirên ragihandinê di navbera wan de.
