Di pêngavekê de bi armanca kêmkirina ciranê trafîkê ya zêde û birêkûpêk kirina cihê tirimbêlên ne bi rêkûpêk, şaredariya Qamişlo ya kantona Cizîrê li ser yek ji kolanên herî awante ên herêmê projeyek ezmûnkirî da destpêkirin. Bajar ji ber aranjmanên ne bi rêk û pêk gihaşt asta ku otromobêlek tenê jî bi zorê derbas dibe.
Şaredariyê eşkere kir ku ev proje ne ji bo çareseriyeke bilez armanc ew e ku awanteya trafîkê kêm bike û rewşa trafîkê baştir bike. Tekez kir ku ev destpêşxeriya yekem e ji vî rengî li bajêr, ku dikare nerînên tevlihev di navbera alîgir û dijberan de çêbike.
Şaredariyê tekez kir ku ev proje parçeyek ji plansaziyeke berfireh a xizmetguzariyê ye ji bo gel, di heman demê de destnîşan kir ku zehmetiya razîkirina her kesî heye. Di girêbesta ku bi kompanyaya cîbicîkar re hatiye îmzekirin jî hatiye diyarkirin ku ew proje projeyek ezmûn e û eger negihêje armancên xwestî dê were betalkirin, nemaze di warê başkirina çûnûhatinê.
Şaredariyê di dawiya axaftina xwe de bang li welatiyan kir ku hevkarî û piştgiriyê bidin projeyê û destnîşan kir ku dê encamên wê piştî demekê bi nirxandineke berfireh re derbas bibin, da ku di derbarê berdewamkirin an jî rawestandina wê de biryara guncaw bidin.
