Şaredariya Gel di çarçoveya nêrîna xwe ya ji bo pêşxistina bajarê Dêrikê û pêşxistina jêrxane û Xizmetên giştî yên wê de, plansaziyeke berfireh ji bo sala 2025an da destpêkirin, ku tê de gelek projeyên xizmetên giştî bi cîbicîkirina gelek beşên girîng ên bajêr digre nava xwe.
Armanca van projeyan ew e ku kalîteya xizmetên giştî ku ji nişteciyan re têne pêşkêş kirin baştir bikin û jîngehek bajarî ya birêxistintir û paqijtir peyda bikin, ku daxwazên niştecihan ji bo jiyanek çêtir li bajarê xwe nîşan bide.
Projeyên herî girîng ên Şaredariya Dêrikê ya sala 2025’an:
Şaredariyê ji binesaziyê, xizmetên bingehîn û plansaziya bajarî, îsal ji bo çalakiyan gelek plan daniye. Ya herî berbiçav ev in:
- Projeyên asfaltkirina rê:
Di nav van projeyan de vekirin û berfirehkirina hejmarek ji rêyên girîng di nav bajar û derdora wî de, ji bilî cîbicîkirina karên asfaltê ji bo hêsankirina çûn hatinê û girêdana tax û deveran.
- Amadekirina du gulîstanên nû:
Şaredarî bi mebesta zêdekirina qadên kesk û tesîsên bêhnvedanê ji bo malbatan, ji bo sererastkirin û çekirina du parkên taxên “Sûr” û “Zor Ava” dixebite.
- Projeyên paqijkirinê:
Di planan de projeyên parastin û berfirehkirina tora kanalîzasyonê li çend deverên nav bajêr hene, ji bo baştirkirina jîngehê û nehiştina qirêjiyê.
- Berfirehkirina tora avê:
Proje di nav xwe de başkirina gihîştina avê ji xaniyan re bi berfirehkirina tora heyî û zêdekirina kargêriya wê ji bo peydakirina pêwîstiyên zêde dihewîne.
- Projeya Ronahiya Giştî:
Şaredarî li ser projeyek berfireh dixebite ku hemî kolanên bajêr ronî bike, bibe alîkar ji bo zêdekirina ewlehiyê û başkirina xuyangê giştî bi şev.
- Projeyên karûbarê cihêreng:
Ev di nav wan de avakirina rê û piran, û karên din ên ku herikîna trafîkê hêsan dikin û binesaziya rê ya giştî baştir dikin
- Nexşeya rêxistinî ya nû:
Ev tê de amadekirina planek rêkûpêk ji bo taxa “Xêrka” ji bo rêkxistina avadankirin û berfirehkirina bajarî, ji bilî veguhestina zozanên lawiran li derveyî bajar ji bo kêmkirina gemarî û qerebalixiyê.
Projeyên ku wê werin pêkanîn :
* Projeya ronahiya giştî:
Atolyeyên şaredariyê dest bi pêkanîna qonaxa yekem a projeya ronahiyê kirin. Xebat di nav xwe de parastin û guheztina lempe, û her wiha guheztina kabloyên elektrîkê yên xerabûyî hene
Xebat ji ketina sereke ya bajêr li ser riya Qamişlo, ji Kornîşa Dêrikê re derbas dibe, heta Meydana Azadî û sûka bajêr dirêj dibe. Ofîsa teknîkî ya şaredariyê destnîşan kir ku dê di demek nêzîk de xuyakirina taybet ji bo berfirehkirina projeyê li tevahiya bajêr bê ragihandin.
* Berfirehkirina herêma pîşesaziyê:
Her wiha şaredarî xebatên berfirehkirina herêma pîşesazî ya bajarê Dêrikê didomîne û rêjeya temamkirina wê digihêje %60. Di projeyê de 36 dikanên nû yên ku ji bo pîşesazên bajêr hatine veqetandin hene.
Ev proje xebatên şaredariyê yên berê temam dike, di heyama çend salên borî de çêkirina 48 dikan bi dawî bû, ku berê li pîşesazên herêmê hatin belavkirin.
Çalakiyên rojane yên berdewam:
Şaredariya Gel a bajarê Dêrikê ji bilî projeyên mezin xebatên xwe yên rojane yên têkildarî paqijiya gel û başkirina dîmena jîngehê didomîne. Di vê çarçoveyê de, kampaniyek ji bo paqijkirina çemê ku di nava bajar re derbas dibe, hat destpêkirin, ji bilî berdewamkirina kempînên çandina daran li çend cihan, wek meydana cejna Newrozê, gulîstana 4ê Nîsanê û navend û gulîstana navendî
