Şaredariyên gel li Kantona Cizîrê girîngiyeke zêde didin bi daristanan û parastina cihên kesk, ji ber haydariya ji rola girîng a ku daran di parastina hevsengiya jîngehê û başkirina kalîteya jiyanê li bajaran dilîzin.
Li bajarokê Çil Axa, Şaredariya Gel, ji bilî çandina daran li baxçeyên çandiniyê yên şaredariyê, li gulîstanên giştî jî li ser kok kirina (birîn û paqijkirina) daran dixebite. Ev hewldan di çarçoveya plansaziyek demkî de têne armanc kirin ku lênihêrîna şînatiyan û başkirina xuyangê deverên kesk dike.
Li bajarê Girkê Lekê jî xebatkarên Ofîsa jîngehê, gulîsrtan û Daristanan a şaredariyê xebatên rakirina darên ku li nîvê kolana sereke belav bûne berdewam dikin. Ev qadên kesk ên ku li kolan û meydanan belav bûne yek ji girîngtirîn aliyên lênihêrîna jîngehê li bajêr têne hesibandin, û ji niştecihên wê re dergehek girîng e.
Van destpêşxerî dilxwaziya rêveberiyên herêmî li bajarên cihêreng ên Kantonê ji bo zêdekirina şînahiya û lênihêrîna ji jîngeha bajarî nîşan didin, ji ber ku dar bi gelek sûdan ku ew didin “pişikên bajêr” têne hesibandin. Ew gazên zerardar vedigire, beşdarî sererastkirina germahiyê dibe, û pêşî li erozyona axê digire.
Ev kar ne tenê berpirsiyariya şaredariyê ye, vexwendname ji tevahiya civakê re ye ku beşdarî parastina jîngehê û zêdekirina qadên kesk bibe, ji ber ku rasterast bandora wan li ser tenduristiya kesan û berdewamiya jiyanê heye.
