Îro 18ê Adarê salvegera dagirkirina bajarê Efrînê ji aliyê hêzên Tirkiyê û grûpên çekdar ên girêdayî wê ve derbas dibe.
Ev bîranîna bi êş, hûrgiliyên êrîşa hovane ya ku 58 rojan dom kir, di nava xwe de vedihewîne, ku bû sedema koçberkirina bi darê zorê ya zêdetir ji 300,000 ji xelkên xwecihî yên bajêr, û bikaranîna çekên qedexekirî yên navdewletî di nav bêdengî û hevkariyên navdewletî de ku giraniya wê ji birînên qurbaniyan girantir bû.
Êşa Efrînê ne tenê kêliyek dîrokî bû, lê rûpelek reş bû ku êşên tevahî gelan dihewîne. Bajarê ku sembola cihêrengî û jiyana hevbeş bû, veguherî qada binpêkirinên mezin ên mafên mirovan, di nav de guhertina demografî ya bi zorê, wêrankirina mîrata çandî, û dizîna çavkaniyên wî yên xwezayî.
Naye veşartin li ser kesî ku êş û azarên li ser sînorên Efrînê bi dawî nebûne. Di Kanûna 2024’an de, hêzên Tirk û komên girêdayî wê êrîşeke berfireh a bejahî û hewayî li dijî koçberên Efrînê yên li herêmên Şehba û Til Rifatê dubare kirin. Ew êrîşa hovane bû sedema qeyraneke mirovî ya giran, ji ber ku bi hezaran neçar man dîsa birevin, û rêwîtiya xwe ya jicîhûwarî û azaran berdewam bikin.
Tevî hewlên Rêveberiya Xweser ji bo piştgirîkirina awareyan û dabînkirina pêdiviyên wan ên bingehîn, ev hewldan rûbirûyê kêşeyên berdewam dibin ji ber êrîşên dubare û berdewamiya dagîrkeriyê, ku bûye sedema guhertinên demografiya filaketên ku metirsiyê li ser tevna herêmê û paşeroja wê dike.
Li gorî vê yekê, em li Kantona Cizîrê bi tundî şermezarkirina dagirkeriya Tirk û komên çekdar ên girêdayî wê dikin û banga rawestandina demildest hemû şer û binpêkirinên li herêmên dagirkirî dikin.
Her wiha em bang li civaka navneteweyî û rêxistinên mafên mirovan dikin ku bi lezgînî ji bo vegerandina koçberan bo malên xwe yên dîrokî û misogerkirina vegera ewle û bi rûmet.
Em tekezî li ser pêwîstiya zextê li Tirkiyê û aliyên girêdayî wê dikin ku rêzê li mafên mirovan bigirin û kiryarên guhertina demografiya bi zorê rawestînin.
Em bang li hemû aktorên navneteweyî dikin ku bi berpirsyariyên xwe rabin û dawî li vê felaketa mirovî ya ku berdewam dike bînin.
Di vê roja bi êş de em berxwedana gelê Efrînê û hemû kesên ku di bin dagirkerî û êrîşan de mane silav dikin û soz didin wan ku em ê dengê wan bimînin û mafê wan ê vegera li axa xwe biparêzin.
Rêveberiya Xweseriya Demokratîk a Kantona Cizîrê
18ê Adarê, 2025
