Ji destpêka şoreşa Sûriyê ve di Adara 2011`an de heta şerê li dijî torîzma DAIŞ`ê û heta hilweşandina rejîma Baas a desthilatdar, çapemeniyê roleke girîng lîst. Hin aliyan bi rêya dezgehên xwe yên çapemenî hewl didin vê rola dîrokî û wêneyê çapemeniya li Sûriyê bi rêya propaganda û piştgiriya hin ajindeyên derve yên dijberî gelê Sûriyê û armancên şoreşa wî, berovajî bikin.
Her wiha hin çêkerên naverokê yên bi pere û qels li ser toreyên medyaya civakî bi rêya axaftinên xwe hewl didin ji bo berjewendiya aliyên ku armancên wan li Sûriyê,rastiyan berovajî bikin.
Em di Dayîreya Ragihandinê ya Herêma Bakur û Rojhilatê Sûriyê de di dema ku em îşaretê bi rola girîng a rojnamevan û dezgehên çapemeniyê di derxistina rastiyan û eşkerekirina bûyerên veşartî de dikin,
Em teqez dikin ku em ê li hember hemû rojnamevan û dezgehên ragihandinê yên ku siyasetên teşwîq û cudabûnê û hewldana pêxistina agirê nakokî û mezhebaniyê weke nêzîkatiya xwe digrin, helwestekê nîşan bidin. Ji ber ew wêneya rojnamegeriyê û peyama wê ya bilind, berovajî dikin.
Di vê çarçoveyê de em bang li hemû rojnamevan û dezgehên ragihandinê dikin ku li pey lîstok û pilanên li dijî gelê Sûriyê têne dayîn, nekevin. Di karê xwe de xwedî ruhê berpirsiyariya niştîmanî bin û dûrî zimanê gef û îxanetê bikevin û siyasetên teşwîq û tawanbarkirina mezhebî bikevin. Ji ber xwedî giyanên lawaz hewl didin gelê Sûriyê bi hemû pêkhate û mezhebên wê tune bikin û bi vê yekê xizmeta ajindeyên derve dikin.
Her wiha em teqez dikin ku rojnamevan û dezgehên ragihandinê ku van kiryaran bikar tînin, li gorî qanûna ragihandinê ya Herêma Bakur û Rojhilatê Sûriyê dê biryar li dijî wan werin girtin. Ji ber pêwîstiya welatê me Sûriyê bi hemûyan heye da ku em ji bo avakirina Sûriyeke yekgirtî û demokratîk, yek dest bin.
Dayîreya Ragihandinê ya Herêma Bakur û Rojhilatê Sûriyê
10`ê Adara 2025`an
