Bahoza tozê ya çit ku vê dawiyê li seranserî Bakur û Rojhilatê Sûriyê bi taybet bajarê Hesekê û gundewarê wê belav bû, ziyaneke mezin gihandiye jêrxaneya elektrîkê li Kantona Cizîrê. Bandora wê ya rasterast bû sedema qutbûna elektrîkê li ser xeta şeşemîn, ku xwarina sereke ya santralên elektrîkê yên kantonê ye.
Yekser piştî bûyerê, tîmên teknîkî yên pispor û atolye ber bi cihê bûyerê ve çûne ku sedemên teknîkî yên li pişt qutbûnê lêkolîn bikin. Piştî kontrolê hat diyarkirin ku sedema wê hilweşîna sê bircên veguheztina elektrîkê ye ku bi qasî 25 kîlometran li rojavayê bajarê Hesekê ne, di encama bayê bihêz û bahoza tozê ya li herêmê.
Di encamê de, hemû santralên elektrîkê li Kantonê ji kar rawestiyan, ji ber ku ew bi temamî girêdayî elektrîka ku ji aliyê Bendava Firatê (Bendava Tebqa) ve dihat dabînkirin di heyama berê de bûn.
Ev dabîn ji berê de bisînor e, ji ber ku armanc ew bû ku tenê xetên xizmetiyê yên girîng wek nexweşxane, stasyonên avê, û hin dezgehên giştî bigire, ji ber kêmbûna asta avê di bendavê de, ku bûye sedema kêmbûnek berbiçav di hilberîna elektrîkê de
