بيان – استشهاد ١٢ مدنياً جراء العدوان التركي

Daxuyanî

-Di encama êrîşên dewleta Tirk de 12 sivîl şehîd bûn

24/10/2024

Di demjimêrên derbasbûyî de dewleta Tirk a dagirker pêleke nû ya êrîşan li dijî binesaziya bingehîn a jiyana gelê herêmên Bakur û Rojhilatê Sûriyê, civaka sivîl û hêzên ewlekariyê yên ku ji parastina herêmê berpirsyar in, kirin hedef.

Di êrîşên dawî ên dewleta Tirk de 2 jê zarok 12 welatiyên sivîl jiyana xwe ji dest dan û 25 sivîl jî bi giranî birîndar bûn.

Her wiha deverên ku sivîl lê dijîn, nanpêjxane, stasyonên elektrîk û petrolê, û xalên kontrolê yên Hêzên Ewlekariya Hundirîn ên ku ji parastina gel berpirsyar in, bûn hedefa firokeyên leşkerî û balafirên bê mirov, her wiha bombebarana Tirkiyê jî berdewame, 42 cih hatin armanckirin bi giştî cihên xizmetê û saziyên bingehîn.

Ev êrîşa hovane ya ku tê dubarekirin, bi awayekî eşkere dewleta Tirk dijminatiya li dijî gelê me yê Bakur û Rojhilatê Sûriyeyê nîşan dide û metirsiya zihniyeta tundî a Tirkiyeyê ya li ser gelên herêmê û aştiya li wê derê bi bîr tîne qeyranên navxweyî li ser hesabê gelê me, tevliheviyê belav dikin û herêmê dixin nav aloziyên zêdetir.

Hêzên me, Hêzên Sûriyeya Demokratîk ku careke din bi vê pêla êrîşên dewleta Tirk a dagirker re rû bi rû ne, ji bo parastina gelê me û herêmên me, wê dudilî nemînin.

Navenda Ragihandinê ya Hêzên Sûriyeya Demokratîk

24ê cotmeha 2024an